ÁR kórinn
Árnesingakórinn í Reykjavík

Árnesingakórinn í Reykjavík var stofnaður 14. febrúar 1967. Kórinn hefur ferðast víða í áranna rás, meðal annars til Norðurlandanna og ýmissa annarra Evrópulanda. Auk þess hefur hann haldið fjölda tónleika víða um land og tekið þátt í kórastefnum.  Fyrsti stjórnandi kórsins var Þuríður Pálsdóttir. Stjórnandi kórsins frá 1988 til vors 2000 var Sigurður Bragason barítónsöngvari og tónskáld, haustið 2001 tók Gunnar Ben við stjórn kórsins og stjórnaði honum til vors 2018. Undir stjórn Gunnars leysti kórinn af hendi ýmis krefjandi verkefni og ferðast víða. Má þar nefna þátttöku í Choir Olympics, einni stærstu kórakeppni heims, í Bremen árið 2004 þar sem hann fékk silfurviðurkenningu í sínum flokki.
Núverandi stjórnandi kórsins er Hildigunnur Einarsdóttir.

Kórinn hefur gefið út fjóra hljómdiska og tvær hljómplötur.  Nýjasti hljómdiskurinn "Landróver" kom út í nóvember síðastliðnum 2016.